Karlakórinn Stefnir

Þriðjudaginn 4. maí var haldinn aðalfundur Stefnis í Harðarbóli. Helstu tíðindi eru þau að nýr formaður var kjörinn á fundinum en það er Guðmundur Pétursson er skipar sér í raðir 1. tenórs í kórnum.  Fráfarandi formaður, Hörður Björgvinsson sem gegnt hefur starfi formanns undanfarin 11 ár gaf ekki kost á sér árfam en það eru ekki margir sem hafa setið jafn lengi á formannsstóli. Á ýmsu hefur bjátað í formannstíð Harðar eins og gengur en honum hefur tekist farsældlega að leiða kórinn í gegn um öll mál er upp hafa komið og lagt mikkla vinnu í formannsstarfið. Eru kórmenn honum afar þakklátir fyrir þessi ár. Þá ganga úr stjórn eftir áralanga stjórnarsetu þeir Bjarni Már Ragnarsson og Sigurjón Karlsson og eru þeim einnig færðar ómældar þakkir fyrir digga stjórnarsetu og ýmis störf fyrir kórinn.

Guðmundi eru færðar árnaðaróskir með kjörið en með honum í stjórn eru Heiðar Jóhannsson og Ingvi R Guðmundsson sem sitja úr fyrri stjórn, en nýir inn eru Valur Páll Þórðarson og Finnur Ingimarsson.