Frétt

30. mars 2017

Fjárfesting í erlendum sjóðum er nú heimil

Fjárfesting í erlendum sjóðum er nú heimil

Við afnám hafta standa einstaklingum og lögaðilum fjöldi erlendra fjárfestingakosta til boða. Stefnir hefur stýrt sjóðum sem fjárfesta á erlendum mörkuðum samfellt í yfir tuttugu ár og státa þeir af góðri ávöxtunarsögu til langs tíma. Sérfræðingar hjá Stefni sem hafa það að aðalstarfi að fylgjast með efnahagsmálum og erlendum eignamörkuðum hafa allir langa starfsreynslu og hafa unnið erlendis m.a. við fjárfestingar og eignastýringu.

Af hverju er skynsamlegt að fjárfesta í erlendum sjóðum?

Áhættudreifing er fyrsta augljósa ástæðan. Dreifing eigna á mismunandi markaði og myntir er ákjósanleg til lengri tíma. Erlendir sjóðir geta verið með blöndu erlendra hlutabréfa og sumir sjóðir eru með blöndu af erlendum sjóðum og er dreifing eigna því enn meiri í þeim.

Af hverju eru erlendir sjóðir með háa áhættuflokkun?

Áhættuflokkun lýsir þeim gengissveiflum sem hafa verið í sjóðunum í fortíð. Erlendir sjóðir eru margir hverjir með háa áhættuflokkun þar sem þeir sveiflast bæði vegna markaðsbreytinga og vegna gengisbreytinga á grunnmynt sjóðsins gagnvart íslensku krónunni. Þegar erlendir sjóðir eru bornir saman er gott að skoða gengisþróun þeirra yfir lengri tíma því sveiflur til skamms tíma geta verið þó nokkrar.

Hvernig kynni ég mér erlenda sjóði Stefnis?

Þeir erlendu sjóðir sem eru nú opnir fyrir fjárfestingu eru hér. Undir hverjum sjóði er að finna upplýsingar um eignaskiptingu, nafnaávöxtun í íslenskum krónum og verðþróun. Mikilvægt er að kynna sér lykilupplýsingar sjóða. Samanburður á lykilupplýsingum sjóða auðveldar samanburð á fjárfestingarkostum og hjálpar fjárfestum að taka upplýsta ákvörðun um hvort fjárfestingin sé ákjósanleg.

Hvernig fjárfesti ég í erlendum sjóðum Stefnis?

Arion banki er söluaðili sjóða Stefnis. Til að eiga viðskipti með erlenda sjóði er bent á að hringja í þjónustuver Arion banka í síma 444-7000 eða senda tölvupóst á verdbrefathjonusta@arionbanki.is

Einnig er hægt að senda fyrirspurnir á info@stefnir.is.

Til baka

Fleiri fréttir

15.janúar 2024

100% afsláttur af sjóðum til 5. febrúar

Í tilefni af verkefninu Konur fjárfestum er engin þóknun við kaup á sjóðum Stefnis frá 12. janúar til og með 5. febrúar 2024. Afslátturinn af þóknun gildir við...

29.ágúst 2023

Stefnir birtir fjármagnaðan útblástur gróðurhúsalofttegunda

Stefnir stýrir fjármunum fyrir hönd viðskiptavina sinna og leggur ríka áherslu á að gera það með ábyrgum og gagnsæjum hætti.

09.ágúst 2023

Stefnir styrkir Einvígið á Nesinu

Stefnir er stoltur styrktaraðili Einvígisins á Nesinu. Þetta árið hlaut Félag áhugafólks um Downs-heilkennið styrk Stefnis og Birgir Björn úr GK var sigurvegari...