Starfsemi
Stefnir er rótgróið íslenskt sjóðastýringarfyrirtæki með um 247 milljarða króna í virkri sjóðastýringu í lok árs 2023. Hlutverk félagsins er að stýra fjármunum í eigu viðskiptavina með hagsmuni þeirra að leiðarljósi. Stefnir þjónar jafnt einstaklingum sem fagfjárfestum. Félagið var stofnað árið 1996.
Stefnir hefur á að skipa þaulreyndu starfsfólki með mikla starfsreynslu á fjármálamarkaði og tengda menntun. Hjá Stefni starfa um 25 sérfræðingar í fimm teymum við stýringu á fjölbreyttu úrvali verðbréfa- og sérhæfðra sjóða fyrir almenna fjárfesta.
Þróun
Félagið hefur allt frá upphafi verið í fararbroddi í þróun á nýjum tegundum sjóða, jafnt fyrir einstaklinga sem fagfjárfesta. Við þróun og stýringu sjóða er fyrst og fremst horft til hagsmuna viðskiptavina auk þess sem áhersla er lögð á árvekni, yfirsýn og öfluga fagþekkingu.
Traust
Stefnir telur að traust og trúnaður séu lykilforsendur langtímasambands við viðskiptavini. Því er lögð mikil áhersla á heiðarleika í samskiptum og gegnsæi í upplýsingagjöf. Sérstök aðgát er viðhöfð við meðferð trúnaðarupplýsinga, hvort sem þær eru af viðskiptalegum eða persónulegum toga.
Eignarform
Viðskiptavinir Stefnis eiga hlutdeildarskírteini í sjóðum í stýringu Stefnis. Þessi hlutdeildarskírteini eru ávísun á hlut í eignasafni sjóðanna. Eignir sjóðanna eru því alfarið í eigu hlutdeildarskírteinishafa á hverjum tíma. Lögum samkvæmt er eignum Stefnis hf. og eignum sjóða í stýringu haldið aðgreindum í fjárhagsuppgjöri. Varsla á eignum sjóðanna, ásamt útreikningi á gengi, sjóða er í höndum annars fyrirtækis, Arion banka.
Öryggi
Stefnir leggur sérstaka áherslu á öryggi í allri starfsemi sinni. Í því skyni hefur hefur fyrirtækið komið sér upp margþættum eftirlits- og áhættustýringarkerfum sem byggjast meðal annars á skýrum verkferlum, ytri og innri endurskoðun, regluvörslu og sérsmíðuðum eftirlitskerfum með fjárfestingarstefnum. Jafnframt framkvæmir félagið árlega innra áhættumat á helstu rekstraráhættuþáttum. Verðbréfasjóðir Stefnis og sérhæfðir sjóðir fyrir almenna fjárfesta Stefnis lúta eftirliti FME, lögum samkvæmt.
Stjórnarhættir
Stjórn Stefnis er skipuð þrem einstaklingum. Meirihluti stjórnarmanna er óháður Arion banka, en bankinn og tengd félög eru eigendur alls hlutafjár í Stefni. Stjórn Stefnis hefur einsett sér að ástunda góða og vandaða stjórnarhætti. Stefnir hefur hlotið vottun Rannsóknarmiðstöðvar Háskóla Íslands um góða stjórnarhætti frá árinu 2012.
Lögformlegt hlutverk
Stefnir hf. er sjálfstætt starfandi fjármálastofnun skv. lögum nr. 161/2002 um fjármálafyrirtæki. Félagið starfar á grundvelli starfsleyfa frá Fjármálaeftirliti Seðlabanka Íslands sem rekstrarfélag verðbréfasjóða samkvæmt heimild í lögum nr. 116/2021 um verðbréfasjóði og sem rekstraraðili sérhæfðra sjóða samkvæmt heimild í lögum nr. 45/2020, um rekstraraðila sérhæfðra sjóða. Auk þess tekur starfsleyfi rekstrarfélagsins til eignastýringar, fjárfestingaráðgjafar og vörslu og umsýslu hlutdeildarskírteina eða hluta sjóða um sameiginlega fjárfestingu.
Útgefið hlutafé Stefnis er 43,5 milljónir króna. Hlutfallslegt eignarhald skiptist milli Arion banka hf. 99,93% og Gen hf. 0,07%. Endurskoðandi félagsins er Deloitte ehf.
Hagsmunasamtök
Stefnir hf. hefur verið aðili að Samtökum fjármálafyrirtækja (SFF) frá 2013. Með aðild að SFF felst þátttaka í almennri hagsmunagæslu í málefnum íslensks fjármálageira ásamt því að verða beinn aðili að Samtökum Atvinnulífsins (SA).
Samtök fjármálafyrirtækja (SFF) eru heildarsamtök fjármálafyrirtækja á Íslandi. Sjá nánar á www.sff.is
Rekstrarform sjóða
Allir sjóðir eru reknir af Stefni hf. í stað þess að vera sjálfstæðir lögaðilar eins og þeir voru fyrir gildistöku laga nr. 30/2003. Meiri kröfur eru þannig gerðar til sjálfstæðis og styrkleika rekstrarfélaga en áður var. Í útboðslýsingum sem samdar hafa verið fyrir alla sjóði í rekstri félagsins kemur fram nánari lýsing á starfsemi rekstrarfélagsins en þær má nálgast í upplýsingablöðum viðkomandi sjóða.
Hér fyrir neðan gefur að líta hvaða félög hafa verið sameinuð undir nafni Stefnis hf., kt. 700996-2479:
- Kaupþing-Eignastýring ehf. kt. 440195-2539
- Hávöxtunarfélagið hf. kt. 611284-0479
- Ævisjóðurinn hf. kt. 601097-2579
- Verðbréfasjóður Búnaðarbankans hf. kt. 700996-2639
- Fjárfestingasjóður Búnaðarbankans hf. kt. 611299-4949
- Vísitölusjóður BÍ hf. kt. 670901-3270
Á hluthafafundi Stefnis hf. þann 11. mars 2024 voru eftirfarandi aðilar kjörnir í aðalstjórn félagsins:
Aðalstjórn
Sigrún Ragna Ólafsdóttir, stjórnarformaður
 |
Formaður stjórnar Stefnis er Sigrún Ragna Ólafsdóttir fædd 1963. Sigrún Ragna hefur fjölbreytta reynslu af fjármálamarkaði. Sigrún Ragna var forstjóri VÍS og Lífís á árunum 2011-2016. Áður starfaði hún sem framkvæmdastjóri fjármálasviðs Íslandsbanka og þar áður hjá Deloitte, þar sem hún var meðeigandi, stjórnarformaður og löggiltur endurskoðandi til ársins 2007. Sigrún Ragna er varaformaður stjórnar Símans, stjórnarformaður Auðkennis. Þá hefur hún setið í stjórnum fjölda fyrirtækja svo sem í Verði tryggingum, Reiknistofu bankanna og Creditinfo Group. Sigrún Ragna er viðskiptafræðingur frá Háskóla Íslands og lauk prófi til löggildingar í endurskoðun árið 1990. Sigrún Ragna útskrifaðist með MBA próf frá Háskólanum í Reykjavík árið 2007. Sigrún Ragna eða tengdir aðilar eiga enga eignarhluti eða kauprétti í félaginu og engin hagsmunatengsl eru við helstu viðskiptaaðila, samkeppnisaðila eða hluthafa Stefnis. |
Guðmundur Jóhann Jónsson, stjórnarmaður
.jpg) |
Guðmundur Jóhann Jónsson, situr í stjórn Stefnis og er fæddur 1959. Guðmundur var forstjóri Varðar tryggingar og Varðar líftrygginga á árunum 2006-2023 og er háður stjórnarmaður. Áður starfaði Guðmundur sem stjórnandi hjá Sjóvá í um 20 ár og í liðlega tvö ár hjá SP-Fjármögnun og Reykjavíkurborg. Guðmundur hefur setið í stjórnum margra fyrirtækja í gegnum tíðina, þar á meðal í stjórn Origo í yfir 20 ár. Þá var hann formaður stjórnar Securitas, sat í stjórn útgerðarfyrirtækisins G.RUN og lauk nýverið 8 ára setu í stjórn Viðskiptaráðs. Guðmundur er viðskiptafræðingur frá Seattle University. Hann lauk MBA próf frá Edinborgarháskóla árið 2000 og AMP námi frá IESE í Barcelona á árinu 2021. |
Hrefna Ösp Sigfinnsdóttir, stjórnarmaður
 |
Hrefna Ösp Sigfinnsdóttir, situr í stjórn Stefnis og er fædd 1969. Hrefna er framkvæmdastjóri Creditinfo á Íslandi og situr í framkvæmdastjórn Creditinfo Group. Hrefna hefur fjölbreytta reynslu af fjármálamarkaði. Hrefna var framkvæmdastjóri eignastýringar hjá Landsbankanum á árunum 2010-2021. Áður starfaði hún sem sjóðsstjóri framtaksfjárfestinga hjá Arev verðbréfafyrirtæki, hún var forstöðumaður skráningarsviðs hjá Kauphöllinni og starfaði sem forstöðumaður einstaklingsþjónustu hjá verðbréfafyrirtækinu Fjárvangi. Hrefna situr í stjórn lyfjafyrirtækisins Choripharma og stjórn Viðskiptaráðs. Þá hefur hún fjölbreytta stjórnarreynslu svo sem sem stjórnarmaður í Framtakssjóði Íslands og Umbreytingu II framtakssjóði í stýringu hjá Alfa. Hrefna var einn af stofnaðilum IcelandSIF. Hrefna er viðskiptafræðingur frá Háskóla Íslands og lauk löggildingarprófi í verðbréfum 2011. Hrefna lauk AMP námi frá IESE í Barcelona árið 2021. Hrefna eða tengdir aðilar eiga enga eignarhluti eða kauprétti í félaginu og engin hagsmunatengsl eru við helstu viðskiptaaðila, samkeppnisaðila eða hluthafa Stefnis. |
Framkvæmdastjóri
Jón Finnbogason, framkvæmdastjóri Stefnis
 |
Framkvæmdastjóri Stefnis er Jón Finnbogason fæddur 1973. Jón hefur fjölbreytta reynslu af fjármálamarkaði eða allt frá árinu 1999 og hefur hann gengt stjórnunarstörfum innan fjármálafyrirtækja allt frá árinu 2009. Síðast starfaði Jón sem forstöðumaður fyrirtækjahluta á fyrirtækja- og fjárfestingabankasviði Arion banka hf. og einnig sem útlánastjóri (e. Chief Credit Officer) bankans. Stór hluti af starfsreynslu Jóns er frá hans fyrri störfum hjá Stefni hf. en hann starfaði hjá félaginu fyrst á árunum 2003 til 2008 og aftur frá 2013 til 2017, þá sem forstöðumaður skuldabréfateymis Stefnis. Þá starfaði Jón hjá Byr sparisjóði frá árunum 2009 til 2011 fyrst sem yfirlögfræðingur og svo sem sparisjóðsstjóri og forstjóri Byrs hf.. Á árunum 2011 til 2013 starfaði Jón sem aðstoðarframkvæmdastjóri viðskiptabankasviðs Íslandsbanka hf. Jón hefur verið virkur í stjórnar- og sjálfboðaliðastörfum allt frá árinu 1996 og þar til hann hóf störf sem framkvæmdastjóri Stefnis 2022. Ber þá helst að nefna, stjórn Fimleikasambands Íslands 1996 – 2000, stjórn Íþróttafélagsins Gerplu 2003 - 2013 og þar af sem formaður stjórnar frá 2006 - 2013. Stjórn Íþrótta og ólympíusambands Íslands (ÍSÍ) í varastjórn á árunum 2015 - 2017 og í framkvæmdastjórn ÍSÍ á árunum 2017 - 2019. Varabæjarfulltrú í bæjarstjórn Kópavogs 2014 – 2022 og bæjarfulltrúi 2022 Jón lauk lögfræðiprófi frá Háskóla Íslands árið 1998. Hann er einnig lögmaður með málflutningsréttindi fyrir héraðsdómi. Árið 2002 lauk hann prófi í verðbréfaviðskiptum. |
Endurskoðunar- og áhættunefnd
Stjórn Stefnis hefur skipað endurskoðunar- og áhættunefnd Stefnis og er hún starfrækt sbr. 108 gr. a laga nr. 3/2006 um ársreikninga þar sem kveðið er á um að einingar tengdum almannahagsmunum skuli hafa endurskoðunarnefnd sem skipuð skal eigi færri en þremur mönnum.
Nefndina skipa:
- Guðmundur Jóhann Jónsson
- Sigrún Ragna Ólafsdóttir
- Hrefna Ösp Sigfinnsdóttir
Meirihluti nefndarmanna er óháður félaginu og Arion banka hf., móðurfélagi Stefnis hf.
Endurskoðandi félagsins er Deloitte ehf.
Reglur Stefnis hf. um framkvæmd starfa endurskoðunar- og áhættunefndar
Starfskjaranefnd
Stjórn Stefnis hefur skipað starfskjaranefnd Stefnis og er hún starfrækt sbr. 17. gr. c. laga 116/2021 um verðbréfasjóði og 21. gr. c. laga nr. 45/2020 um rekstraraðila sérhæfðra sjóða þar sem kveðið er á um að rekstrarfélag/rekstraraðili sem er mikilvægur skuli hafa starfskjaranefnd sem skipuð skal eigi færri en þremur mönnum.
Nefndina skipa:
- Guðmundur Jóhann Jónsson
- Hrefna Ösp Sigfinnsdóttir
- Sigrún Ragna Ólafsdóttir
Meirihluti nefndarmanna er óháður félaginu og Arion banka hf., móðurfélagi Stefnis hf.
Róbert Vilhjálmur Ásgeirsson
Sérfræðingur | Greining, sala og samskipti
robert.asgeirsson@stefnir.is
Þorsteinn Andri Haraldsson
Sjóðstjóri | Hlutabréf og blandaðir sjóðir
thorsteinn.haraldsson@stefnir.is
