Opið er fyrir viðskipti með hlutdeildarskírteini fagfjárfestasjóðsins Stefnir ÍS-5 frá og með deginum í dag.

Lokað var fyrir viðskipti með hlutdeildarskírteini sjóðsins í samræmi við ákv. 8. gr. reglna sjóðsins þann 2. desember sl. Var þar um að ræða ráðstöfun til að verja hagsmuni hlutdeildarskírteinishafa vegna útboðs og nýskráningar hlutabréfa í Högum hf í kauphöll. Bréfin eru tekin til viðskipta í kauphöll í dag og tekur gengi sjóðsins mið af því.