Formaður stjórnar Stefnis er Sigrún Ragna Ólafsdóttir fædd 1963.

Sigrún Ragna hefur fjölbreytta reynslu af fjármálamarkaði. Sigrún Ragna var forstjóri VÍS og Lífís á árunum 2011-2016. Áður starfaði hún sem framkvæmdastjóri fjármálasviðs Íslandsbanka og þar áður hjá Deloitte, þar sem hún var meðeigandi og löggiltur endurskoðandi til ársins 2007. Sigrún Ragna er varaformaður stjórnar Símans, stjórnarformaður Auðkennis og í stjórn Reiknistofu bankanna og Creditinfo Lánstrausts. Þá hefur hún setið í stjórnum fjölda fyrirtækja svo sem í Verði tryggingum og Creditinfo Group.

Sigrún Ragna er viðskiptafræðingur frá Háskóla Íslands og lauk prófi til löggildingar í endurskoðun árið 1990. Sigrún Ragna útskrifaðist með MBA próf frá Háskólanum í Reykjavík árið 2007.

Sigrún Ragna eða tengdir aðilar eiga enga eignarhluti eða kauprétti í félaginu og engin hagsmunatengsl eru við helstu viðskiptaaðila, samkeppnisaðila eða hluthafa Stefnis.

Varaformaður stjórnar er Jón Óttar Birgisson fæddur 1974.

Jón Óttar hefur yfir 20 ára reynslu af fjármálamörkuðum og fyrirtækjarekstri. Jón Óttar starfar sem framkvæmdastjóri Stöplar Advisory ehf., sem sérhæfir sig í fyrirtækjaráðgjöf m.t.t. endurskipulagningar, samruna og fjármögnunar. Áður starfaði hann sem forstöðumaður fyrirtækjaráðgjafar hjá MP banka og þar áður sem framkvæmdastjóri viðskiptaþróunar hjá Saga Capital. Jón Óttar er hagfræðingur frá Háskóla Íslands og hefur lokið próf í verðbréfaviðskiptum.

Jón Óttar eða tengdir aðilar eiga enga eignarhluti eða kauprétti í félaginu.

Guðmundur Jóhann Jónsson, situr í stjórn Stefnis og er fæddur 1959.

Guðmundur hefur verið forstjóri Varðar tryggingar og Varðar líftrygginga frá árslokum 2006. Áður starfaði Guðmundur sem stjórnandi hjá Sjóvá í um 20 ár og í liðlega tvö ár hjá SP-Fjármögnun og Reykjavíkurborg. Guðmundur hefur setið í stjórnum margra fyrirtækja í gegnum tíðina, þar á meðal í stjórn Origo í yfir 20 ár. Þá var hann formaður stjórnar Securitas, sat í stjórn útgerðarfyrirtækisins G.RUN og lauk nýverið 8 ára setu í stjórn Viðskiptaráðs.

Guðmundur er viðskiptafræðingur frá Seattle University. Hann lauk MBA próf frá Edinborgarháskóla árið 2000 og AMP námi frá IESE í Barcelona á árinu 2021.

Það er mat stjórnar Stefnis að Guðmundur teljist háður stjórnarmaður.

Framkvæmdastjóri Stefnis er Jón Finnbogason fæddur 1973.

Jón hefur fjölbreytta reynslu af fjármálamarkaði eða allt frá árinu 1999 og hefur hann gengt stjórnunarstörfum innan fjármálafyrirtækja allt frá árinu 2009. Síðast starfaði Jón sem forstöðumaður fyrirtækjahluta á fyrirtækja- og fjárfestingabankasviði Arion banka hf. og einnig sem útlánastjóri (e. Chief Credit Officer) bankans.

Stór hluti af starfsreynslu Jóns er frá hans fyrri störfum hjá Stefni hf. en hann starfaði hjá félaginu fyrst á árunum 2003 til 2008 og aftur frá 2013 til 2017, þá sem forstöðumaður skuldabréfateymis Stefnis. Þá starfaði Jón hjá Byr sparisjóði frá árunum 2009 til 2011 fyrst sem yfirlögfræðingur og svo sem sparisjóðsstjóri og forstjóri Byrs hf.. Á árunum 2011 til 2013 starfaði Jón sem aðstoðarframkvæmdastjóri viðskiptabankasviðs Íslandsbanka hf.

Jón hefur verið virkur í stjórnar- og sjálfboðaliðastörfum allt frá árinu 1996 og þar til hann hóf störf sem framkvæmdastjóri Stefnis 2022. Ber þá helst að nefna, stjórn Fimleikasambands Íslands 1996 – 2000, stjórn Íþróttafélagsins Gerplu 2003 - 2013 og þar af sem formaður stjórnar frá 2006 - 2013. Stjórn Íþrótta og ólympíusambands Íslands (ÍSÍ) í varastjórn á árunum 2015 - 2017 og í framkvæmdastjórn ÍSÍ á árunum 2017 - 2019. Varabæjarfulltrú í bæjarstjórn Kópavogs 2014 – 2022 og bæjarfulltrúi 2022

Jón lauk lögfræðiprófi frá Háskóla Íslands árið 1998. Hann er einnig lögmaður með málflutningsréttindi fyrir héraðsdómi. Árið 2002 lauk hann prófi í verðbréfaviðskiptum.