Með þessari auglýsingu er hlutdeildarskírteinishöfum tilkynnt um breytingar sem hafa verið gerðar á reglum fjárfestingarsjóðanna Eignavals A, -B og –C.

Breytingarnar eru þessar:

• Sjóðirnir hafa nú heimild samkvæmt 38. gr. laga nr. 128/2011, til að fjárfesta umfram 35% og allt að 50% í skuldabréfum og víslum útgefnum af íslenska ríkinu. (Á einungis við Eignaval A og –B.) 
• Í fjárfestingarstefnu sjóðanna er nú getið heimildar til þess að fjárfesta í sjóðum um sameiginlega fjárfestingu sem einkum fjárfesta í innlánum. 
• Nafni vörslufyrirtækisins Verdis hf. er breytt í Arion banka hf. 

Bent er á að aðeins er um að ræða breytta framsetningu fjárfestingarstefnu sjóðanna. Engar efnislegar breytingar eru þessu samfara. Sjóðurinn mun því áfram nýta sömu fjárfestingarheimildir og áður, háð mati sjóðstjóra hverju sinni.

Reglubreytingar þessar hafa verið staðfestar af Fjármálaeftirlitinu, sem jafnframt hefur veitt heimild til að upplýsa hlutdeildarskírteinishafa um reglubreytingarnar með auglýsingu þessari.

Við hvetjum þig til að kynna þér reglurnar í heild sinni hér á vefsíðunni.

Frekari upplýsingar veita viðskiptastjórar og Verðbréfaþjónusta Arion banka í síma 444-7000 – verðbréfaþjónusta@arionbanki.is.

Stefnir hf.