Á aðalfundi Stefnis, sem fram fór miðvikudaginn 19. mars sl. fóru fram hefðbundin aðalfundarstörf.

Úr stjórn gekk Snjólfur Ólafsson, sem hefur átt sæti í stjórn félagsins frá árinu 2009. Í ræðu sinni þakkaði stjórnarformaður Snjólfi fyrir vel unnin störf og hans framlag til uppbyggingar og stefnumótunar félagsins á sl. árum.

Nýr stjórnarmaður er Þórður Sverrisson, fæddur 1952.

Þórður hefur lokið Cand. Oecon frá Viðskiptadeild Háskóla Íslands og stundaði framhaldsnám í rekstrarhagfræði við Viðskiptaháskólann í Gautaborg. Hann var forstjóri Nýherja hf. frá apríl 2001 til september 2013, en var áður framkvæmdastjóri hjá hf. Eimskipafélagi Íslands og Stjórnunarfélagi Íslands.

Þórður og tengdir aðilar eiga enga eignarhluti eða kauprétti í félaginu og engin hagsmunatengsl eru við helstu viðskiptaaðila, samkeppnisaðila eða hluthafa Stefnis.

Fundargerð aðalfundar er birt á heimasíðu félagsins.