Stefnir vekur athygli á lykilupplýsingum sem eru aðgengilegar á upplýsingasíðum sjóðanna. Um er að ræða staðlað skjal sem tekið er saman vegna hvers og eins verðbréfa- og fjárfestingarsjóðs í rekstri félagsins. Skjölunum er ætlað að auðvelda upplýsingaöflun fjárfesta.

Lykilupplýsingar (e. Key Investor Information Document - KIID) eru gefnar út með samræmdum hætti á Evrópska efnahagssvæðinu og er fjárfestum þannig gert kleift að bera sjóði saman með einföldum og skjótum hætti. Í lykilupplýsingum er að finna sjálfstæða umfjöllun um megineinkenni hvers sjóðs um sig, auk þess sem fjallað er um sveiflur í ávöxtun og fyrri árangur. Þá er þar að finna samantekt yfir þau gjöld sem innheimt eru vegna rekstrar sjóðanna auk ýmissa hagnýtra upplýsinga.

Fjárfestar eru hvattir til að kynna sér lykilupplýsingar sjóðanna. Útboðslýsingar sjóðanna verða áfram birtar með óbreyttum hætti, en þar er mun ítarlegri upplýsingagjöf um sjóðina að finna.