Stefnir vekur athygli á því að framundan eru breytingar á uppgjörstíma nokkurra sjóða í rekstri félagsins. Breytingarnar taka gildi mánudaginn 6. október 2014. Um er að ræða breytingar sem leiða af ákvörðun Kauphallarinnar um að breyta uppgjörstíma verðbréfaviðskipta á Aðalmarkaði og First North. Eignir hlutaðeigandi sjóða eru m.a. skráðar á umræddum mörkuðum.

Áður höfðu skuldabréfasjóðir haft uppgjörstíma daginn eftir viðskipti (T+1) og hlutabréfasjóðir þriðja dag eftir viðskipti (T+3). Eftir breytinguna verður uppgjörstíminn samræmdur og miðast við annan dag eftir viðskipti (T+2). Þeir sjóðir sem um ræðir eru þessir:

• Stefnir - Ríkisvíxlasjóður
• Stefnir - Ríkisverðbréfasjóður stuttur
• Stefnir - Ríkisbréfasjóður óverðtryggður
• Stefnir - Ríkisskuldabréf verðtryggð
• Stefnir - Ríkisverðbréfasjóður millilangur
• Stefnir - Ríkisverðbréfasjóður langur
• Stefnir - Skuldabréf stutt 
• Stefnir - Eignastýringarsjóður
• Stefnir - Samval
• Stefnir - ÍS 15
• Eignaval A
• Eignaval B
• Eignaval C
• Eignaval Hlutabréf

Frá og með mánudeginum 6. október munu sjóðirnir fá uppgjörstímann T+2. Vegna breytinganna mun uppgjör sjóða í kringum gildistökudagsetninguna verða með þeim hætti að miðvikudagurinn 8. október verður uppgjörsdagur fyrir viðskipti föstudagsins 3. október og mánudagsins 6. október í þeim sjóðum sem áður höfðu uppgjörstímann T+3. Í tilfelli sjóða sem áður höfðu uppgjörstímann T+1 munu viðskiptapantanir sem dagsettar eru föstudaginn 3. október fá uppgjör mánudaginn 6. október.

Sérstök athygli er vakin á því að Stefnir – Lausafjársjóður mun áfram gera upp viðskipti daginn eftir að viðskiptadag (T+1).

Nánari upplýsingar veitir starfsfólk Verðbréfaþjónustu Arion banka í síma 444 7000 en einnig er hægt að senda fyrirspurnir á netfangið verðbrefathjonusta@arionbanki.is.