Þann 24. apríl sl. var gengið frá kaupum og afhendingu á Landey ehf. frá Eignarhaldsfélaginu Landey til sjóðs í rekstri Stefnis. Sjóðurinn heitir SRL slhf. og munu þau Sigurður Óli Hákonarson og Þorgerður Arna Einarsdóttir starfsmenn Stefnis stýra sjóðnum. Sjóðurinn er að fullu í eigu Arion banka en stefnt er að því að eignarhald sjóðsins muni dreifast á fleiri aðila á komandi árum.

Stefnir hefur um árabil rekið fasteignasjóði sem hafa sérhæft sig í fjárfestingum á íslenskum fasteignamarkaði. Með kaupunum á Landey eru tækifæri til að nýta þá þekkingu við uppbyggingu og þróun á fasteignasafni Landeyjar.

Landey ehf. var stofnað árið 2009 af Arion banka og hefur verið að fullu í eigu bankans.
Helstu eignir Landeyjar eru lóðir á Blikastaðalandi í Mosfellsbæ, Arnarneshálsi í Garðabæ og við Bygggarða á Seltjarnarnesi.