Fullyrðingar í frétt ViðskiptaMoggans í dag um þöggun hagsmunaárekstra í starfsemi Stefnis eru úr lausu lofti gripnar og er þeim vísað á bug.

Stefnir er fjármálafyrirtæki og starfar með leyfi Fjármálaeftirlitsins. Fjölmargar innri og ytri reglur gilda í starfsemi félagsins og leggur Stefnir mikla áherslu á reglufylgni. Vakni grunur um brot í starfsemi félagsins er þeim vísað til innri eftirlitsaðila og eftir atvikum til viðeigandi yfirvalda. Komi í ljós að hagsmunaárekstrar hafi skaðað hagsmuni viðskiptavina félagsins ber að tilkynna þeim um slíkt enda er hlutverk Stefnis að gæta hagsmuna viðskiptavina sinna. Stefnir býr ekki yfir upplýsingum sem benda til þess að hagsmunir viðskiptavina hafi skaðast í starfsemi félagsins.