Kristbjörg M. Kristinsdóttir, rekstrarstjóri Stefnis var með erindi á ráðstefnu Iceland SIF um virkt eignarhald á Íslandi sem var haldin á Grand Hóteli 4. mars síðastliðinn.

Kristbjörg fór yfir hlutverk Stefnis og hvað það þýðir að vera virkur eigandi hlutafjár í skráðum félögum sem notast við aðferðafræði virks eignarhalds:

,,Við beitum okkur sem virkir fjárfestar til þess að búa til virði fyrir fjárfestanna okkar. Að fjárfesta í sjóði er góð leið til áhættudreifingar og Stefnir sem sjóðstýringarfyrirtæki miðlar sínum áherslum til fjárfesta sinna með til dæmis að setja sér stefnu um meðferð umboðsatkvæða. Þar kemur skýrt fram hvaða afstaða er tekin í ákveðnum málaflokkum. Með því að birta atkvæðagreiðslur okkar á hluthafafundum geta okkar fjárfestar séð hvort þeir séu sammála þeirri nálgun sem við beitum“.

Stefnir veitir ítarlegar upplýsingar um ábyrgar fjárfestingar, stjórnarhætti og atkvæðagreiðslur á hluthafafundum á vefsíðu sinni www.stefnir.is.

Auk þess má finna nánari upplýsingar um viðburðinn á vefsíðu Iceland SIF.

Kynntu þér málið.