Stefnir hefur stofnað nýjan fjárfestingarsjóð, Stefni – Vaxtasjóð. Sjóðurinn fjárfestir í dreifðu safni innlendra og erlendra skuldabréfa útgefnum af fyrirtækjum, fjármálastofnunum, opinberum aðilum og fleirum. Sjóðurinn nýtir sömuleiðis þau tækifæri sem gefast til kaupa í grænum og sjálfbærum skuldabréfum fyrirtækja sem standa til boða.

„Við sjáum mikil tækifæri í fyrirtækjaútgáfum, bæði skuldabréfum og víxlum, það er markmið okkar að styðja við þessa þróun eins og okkur er kostur. Við viljum bjóða okkar viðskiptavinum fjölbreytt sjóðaúrval og margir leita nú í sjóði sem gefa hærri ávöxtun en gengur og gerist á innlánsreikningum og styttri sjóðum. Stefnir – Vaxtasjóður gæti því hentað þeim sem vilja leita í ávöxtun tryggra útgefenda til lengri tíma sem þó getur sveiflast nokkuð í takt við breytingar á markaði“ segir Sævar Ingi Haraldsson sjóðstjóri Stefnis – Vaxtasjóðs.

Sjóðurinn hentar einstaklingum, lögaðilum og fagfjárfestum. Allar upplýsingar um sjóðinn má finna á heimasíðu Stefnis s.s. lykilupplýsingar og útboðslýsingu. Viðskipti með sjóðinn fram í netbanka Arion banka þar sem veittur er 25% afsláttur af upphafsþóknun.