Stefnir hefur nú breytt áherslum Stefnis – Scandinavian Fund – ESG á þá leið að honum verður stýrt samkvæmt þematískri aðferðafræði ábyrgra fjárfestinga. Sjóðstjórar Stefnis hafa valið ákveðin heimsmarkmið sem falla vel að stefnu sjóðsins og verða þau sérstaklega höfð að leiðarljósi við fjárfestingar hjá sjóðnum.

Þessi heimsmarkmið eru:

• Heilsa og vellíðan
• Jafnrétti kynjanna
• Sjálfbær orka
• Nýsköpun og uppbygging
• Ábyrg neysla og framleiðsla
• Aðgerðir í loftslagsmálum

Sjóðurinn er metinn af MSCI og er með hæstu einkunn AAA sem staðsetur sjóðinn meðal fremstu sjóða sem tileinka sér stýringu sem tekur tillit til umhverfismála, félagslegra þátta og góðra stjórnarhátta.

Við hjá Stefni erum verulega stolt af þessari breytingu á sjóðnum sem mun sem fyrr fjárfesta í leiðandi fyrirtækjum í Skandinavíu sem standa framarlega verðmætasköpun með sjálfbærum hætti.

Frá vinstri: Per Matts Henje, Tryggvi Páll Hreinsson og Theodór Sölvi Blöndal