Frétt

24. júní 2021

Stefnir – ÍS 15 verður Stefnir – Innlend hlutabréf hs.

Innlendi hlutabréfasjóðurinn Stefnir – ÍS 15 hefur fengið nýtt nafn Stefnir – Innlend hlutabréf hs. Er þetta gert til að heiti sjóðsins sé meira lýsandi fyrir sjóðinn sem fjárfestir einkum í hlutabréfum íslenskra hlutafélaga og félaga með starfsemi á Íslandi, sem skráð eru á Nasdaq á Íslandi, First North eða öðrum verðbréfamörkuðum. Stefnir – ÍS 15 dró nafn sitt af fjölda félaga sem myndaði úrvalsvísitölu Kauphallar Íslands þegar sjóðurinn var stofnaður fyrir um 23 árum. 

Stefnir – Innlend hlutabréf hs. er stærsti innlendi hlutabréfasjóður landsins og nema eignir þeirra tæplega 2.000 eigenda sjóðsins rúmlega 27 milljörðum króna. Sjóðurinn hefur um langt skeið stutt við innlendan hlutabréfamarkað bæði sem fjárfestir en ekki síður sem hreyfiafl fjármagns til jákvæðra breytinga og má þar nefna virka þátttöku á hluthafafundum.

Allir hlutdeildarskírteinishafar sjóðsins hafa fengið bréf þess efnis að nafni hafi verið breytt auk þess að reglum sjóðsins hefur verið breytt til að endurspegla innleiðingu laga 45/2020 um rekstraraðila sérhæfðra sjóða. Fjárfestingarsjóðir Stefnis hafa einnig fengið endinguna hs. sem stendur fyrir hlutdeildarsjóður sem er tilkomin með fyrrnefndri lagabreytingu.


Til baka

Fleiri fréttir

30.júlí 2021

Stefnir styrkir Einvígið á Nesinu

Stefnir hf. styrkir eitt vinsælasta golfmót ársins, Einvígið á Nesinu, en mótið er góðgerðamót sem haldið er á vegum Nesklúbbsins á Seltjarnarnesi.

13.júlí 2021

Einfalt og öruggt að fjárfesta í sjóðum Stefnis í Arion appinu

Nú er mögulegt að fjárfesta í sjóðum Stefnis með nokkrum smellum í Arion appinu og fá góða heildarsýn, stöðu sjóða og hreyfingaryfirliti.

24.júní 2021

Stefnir – ÍS 15 verður Stefnir – Innlend hlutabréf hs.

Innlendi hlutabréfasjóðurinn Stefnir – ÍS 15 hefur fengið nýtt nafn Stefnir – Innlend hlutabréf hs. Er þetta gert til að heiti sjóðsins sé meira lýsandi fyrir...

Þessi síða notar vafrakökur. Lesa meira