| Opna alla |
|---|
| Hvernig get ég keypt og selt í sjóðum Stefnis? |
Hægt er að kaupa og selja í sjóðum Stefnis í gegnum netbanka Arion banka. Veittur 25% afsláttur af gengismun og afgreiðslugjald er fellt niður ef viðskipti eru framkvæmd í netbanka Arion banka. Einnig er hægt að hafa samband við verðbréfaþjónustu Arion banka í síma 444-7000. Rafræna ferlið er eftirfarandi fyrir nýja viðskiptavini: Skref 1. Stofna til viðskipta og fá aðgang að netbanka Arion appið er opið öllum og er þægileg leið til að fylgjast með stöðu sjóða. |
| Hvernig framkvæmi ég millifærslu af vörslureikningi yfir á annan reikning í minni eigu? |
Farið er inn í netbanka Arion banka. Þar er valið ,,Verðbréf“ vinstra megin í veftré, smellt á ,,Staða“ og neðst í horninu hægra megin niðri er smellt á ,,Beiðni um millifærslu af bankareikningi“. |
| Hvað er Stefnir? |
Stefnir er rótgróið íslenskt sjóðastýringarfyrirtæki með um 250 milljarða króna í virkri sjóðastýringu í lok árs 2019. Hjá Stefni starfa um 20 sérfræðingar í fjórum teymum við stýringu á fjölbreyttu úrvali verðbréfa-, fjárfestinga- og fagfjárfestasjóða. Einnig stýrir félagið eignum nokkurra samlagshlutafélaga sem stofnuð hafa verið í kringum framtaksfjárfestingar. Stefnir var stofnaður árið 1996 og hefur á að skipa reynslumiklu starfsfólki með um 10 ára reynslu að meðaltali af störfum á fjármálamarkaði. Félagið hefur allt frá upphafi verið í fararbroddi í þróun á nýjum tegundum sjóða, jafnt fyrir einstaklinga sem og fagfjárfesta. Við þróun og stýringu sjóða er fyrst og fremst horft til hagsmuna viðskiptavina. Stefnir telur að traust og trúnaður séu forsendur langtímasambands við viðskiptavini. Því er lögð mikil áhersla á heiðarleika í samskiptum og gegnsæi í upplýsingagjöf. |
| Hvað gerir Stefnir? |
Hlutverk Stefnis er að stýra fjármunum í eigu viðskiptavina með hagsmuni þeirra að leiðarljósi. Viðskiptavinir Stefnis eiga hlutdeildarskírteini í sjóðum í stýringu Stefnis. Þessi hlutdeildarskírteini eru ávísun á hlut í eignasafni sjóðanna. Eignir sjóðanna eru því alfarið í eigu hlutdeildarskírteinishafa (sjóðfélaga) á hverjum tíma. Lögum samkvæmt er eignum Stefnis hf. og eignum sjóða í stýringu haldið aðgreindum í fjárhagsuppgjöri. Varsla á eignum sjóðanna, ásamt útreikningi á gengi sjóða, er í höndum Arion banka. Stefnir leggur sérstaka áherslu á öryggi í allri starfsemi sinni. Í því skyni hefur félagið komið sér upp margþættu eftirlits- og áhættustýringarkerfi sem byggist meðal annars á skýrum verkferlum, ytri og innri endurskoðun, regluvörslu og sérsmíðuðum eftirlitskerfum með fjárfestingarstefnum. Jafnframt framkvæmir félagið árlega innra áhættumat á helstu rekstraráhættuþáttum. Verðbréfa- og fjárfestingarsjóðir Stefnis lúta eftirliti Fjármálaeftirlitsins, lögum samkvæmt. |
| Hvað er verðbréfasjóður? |
Verðbréfasjóðir eru söfn skuldabréfa, hlutabréfa og ýmissa annarra auðseljanlegra verðbréfa auk innlána. Sjóðirnir eru samsettir með mismunandi hætti. Íslenskir verðbréfasjóðir starfa samkvæmt lögum um verðbréfasjóði, fjárfestingarsjóði og fagfjárfestasjóði nr. 128/2011 Markmið laganna er m.a. að tryggja skilvirka neytendavernd, en í lögunum er rekstri sjóðanna settar margvíslegar skorður. Samkvæmt lögunum eru allir slíkir sjóðir reknir af rekstrarfélagi sem er sjálfstætt fjármálafyrirtæki. Öll umsjón og varsla verðbréfa í tilviki sjóða í rekstri Stefnis er í höndum annars fjármálafyrirtækis, Arion banka. Vörslufélagið er eftirlitsaðili og sér meðal annars um að gengisútreikningar, sala, útgáfa og innlausn hlutdeildarskírteina fari fram samkvæmt lögum og samþykktum sjóða. Með innlausn er átt við þegar viðskiptavinur skilar inn hlutdeildarskírteinum (innleysir þau) og fær í skiptum reiðufé á reikning sinn. Upphæðin sem viðskiptavinur fær jafngildir fjölda eininga sem hann á í sjóðnum (innleysir) margfaldaðar með gengi sjóðs á innlausnardegi (að frádregnu afgreiðslugjaldi og að teknu tilliti til skattalegs uppgjörs). Fjárfestingarstefna íslenskra verðbréfasjóða er ákveðin fyrir fram og geta fjárfestar þannig kynnt sér heimildir sjóða áður en til fjárfestingar kemur. Fjárfestingarstefnu verðbréfasjóðs verður ekki breytt nema að fengnu samþykki Fjármálaeftirlitsins sem hefur eftirlit með starfsemi viðkomandi rekstrarfélags og þar með sjóðsins. Nánar um verðbréfasjóði |
| Hvað er fagfjárfestasjóður? |
Fagfjárfestasjóður er sjóður um sameiginlega fjárfestingu sem eingöngu stendur fagfjárfestum til boða. Fagfjárfestasjóðir lúta lágmarkseftirliti. Sjóðirnir hafa skilgreinda fjárfestingarstefnu og eru oft stofnaðir um mjög afmarkaða fjárfestingu. Fagfjárfestar eru viðskiptavinir sem búa yfir fjárfestingarstyrk sem skilgreindur er í lögum, reynslu, þekkingu og sérfræðikunnáttu til að taka sjálfir ákvarðanir um fjárfestingar og meta áhættuna sem þeim fylgir. Fjárfestar þurfa að uppfylla skilyrði laga um verðbréfaviðskipti og undirgangast sérstakt mat til að fá stöðu fagfjárfesta. |
| Hvað er fjárfestingarsjóður? |
Fjárfestingarsjóðir eru starfsleyfisskylt form sjóða um sameiginlega fjárfestingu samkvæmt lögum um verðbréfasjóði, fjárfestingarsjóði og fagfjárfestasjóði. Um fjárfestingarsjóði gilda aðrar reglur en um verðbréfasjóði að því er varðar fjárfestingarheimildir og innlausnarskyldu. Fjárfestingarheimildir fjárfestingarsjóða eru rýmri skv. lögunum og getur fjárfesting í þeim því verið áhættusamari en fjárfesting í verðbréfasjóðum. Fjárfestar eru hvattir til að hafa í huga þennan mun á fjárfestingarsjóðum og verðbréfasjóðum og kynna sér sérstaklega fjárfestingarstefnu sem gildir fyrir þá sjóði sem þeir eiga hlutdeildarskírteini í eða hyggjast fjárfesta í framtíðinni. Nánar um fjárfestingarsjóði |
| Hvað er samlagshlutafélag? |
Í 2. mgr. 160. gr. laga nr. 2/1995 um hlutafélög er samlagshlutafélag skilgreint sem sú tegund samlagsfélaga þar sem einn eða fleiri félagsmenn (ábyrgðaraðilar) bera beina og ótakmarkaða ábyrgð á skuldbindingum félagsins en aðrir félagsmenn (hluthafar), einn eða fleiri, bera takmarkaða ábyrgð á grundvelli framlaga sem mynda hlutafé í félaginu. Ábyrgðaraðilar geta einnig verið hluthafar. Um samlagsfélög fer samkvæmt lögum um hlutafélög. |
| Er ég bundin(n) inni með fjármunina með því að fjárfesta í sjóðum? |
Fjárfestar eru ekki bundnir inni í sjóðum fyrir utan nokkra daga sem það tekur að leysa eignarhlut þeirra út úr sjóðunum. Í flestum verðbréfasjóðum og fjárfestingarsjóðum tekur það ferli tvo virka daga en tíminn getur verið lengri í sjóðum með erlendar eignir. Nánari upplýsingar um einstaka sjóði er að finna í ítarupplýsingum um hvern sjóð fyrir sig og í útboðslýsingum sjóðanna. |
| Hvað er áhætta? |
Ef skoðuð er ávöxtun ýmissa fjárfestinga í tímans rás kemur í ljós að aukin ávöxtun hefur að jafnaði í för með sér meiri áhættu. Sú áhætta felst að miklu leyti í sveiflum á verði verðbréfa til skamms tíma. Þar sem verðsveiflur eru einn helsti mælikvarðinn á áhættu eru verðbréf með litlar verðsveiflur talin áhættulítil en verðbréf með miklar verðsveiflur talin áhættumikil. Áhætta getur einnig verið af öðrum toga. Almennt eru hlutabréf talin áhættusamari en skuldabréf, þar sem hlutabréfaeigendur standa aftar í kröfuhafaröð en skuldabréfaeigendur. Þessi staðhæfing á sérstaklega við um hlutabréf og skuldabréf útgefin af sama aðila eða svipuðum útgefanda. Einnig skiptir miklu máli hvaða útgefendur eru á bak við verðbréf í sjóðum. Löngum hefur verið rætt um að ríki séu traustari útgefendur en fyrirtæki, en þó er það of mikil einföldun eins og skuldavandræði fjölmargra vestrænna ríkja undanfarið hafa sýnt. Réttara er að segja að sjóðir sem hafa verðbréf útgefin af fjárhagslega sterkum útgefendum eru áhættuminni en sjóðir sem eiga verðbréf útgefin af ótraustum útgefendum. |
| Hvaða sjóður hentar mér best? |
Sá sjóður er bestur sem hentar þínum fjárfestingarmarkmiðum hverju sinni. Ráðlegast er fyrir þig að velja sjóð samkvæmt þinni eigin afstöðu til áhættu og því hve lengi þú hyggst eiga fjárfestinguna. Skynsamlegt er að leita sér ráðgjafar sérfræðinga áður en fjárfest er í sjóðum en söluaðilar sjóða Stefnis veita upplýsingar um sjóðina. |
| Hvað þarf ég að hafa í huga áður en ég tek ákvörðun? |
Viðhorf til áhættu Þar sem verðsveiflur eru einn helsti mælikvarðinn á áhættu, eru fjármálagerningar með litlum verðsveiflum taldir áhættulitlir en fjármálagerningar með miklum verðsveiflum taldir áhættumiklir. Ef halda á áhættu í lágmarki er því gott að velja sjóð með litlum verðsveiflum. Ef vilji er fyrir því að taka meiri áhættu í þeim tilgangi að reyna að ná enn hærri ávöxtun er gott að velja sjóð með meiri sveiflum í ávöxtun. Athugið að áhættumælikvarði tekur einungis til sögulegra verðsveiflna sjóðsins og því er ekki tekið tillit til tapsáhættu í þeim mælikvarða. ÁhættuþolFer að miklu leyti eftir því hve lengi á að spara og fjárhagsstöðu viðkomandi. Þeir sem ætla að leggja fyrir til langs tíma eru oft betur í stakk búnir til að taka meiri áhættu við að hámarka ávöxtun en þeir sem spara til skemmri tíma. Fjárhagsstaða getur einnig haft áhrif á hversu mikla áhættu er æskilegt að taka við ávöxtun sparifjár. Mikilvægt er að taka tillit til markmiðs fjárfestingar en ef sparnaður á að vera varasjóður, og ekki er í aðra sjóði að sækja komi til fjárhagslegra áfalla, er æskilegra að velja áhættuminni sjóði fyrir sparnaðinn. FjárfestingartímiÞví lengri sem fjárfestingartíminn er, þeim mun meiri möguleikar eru á hærri ávöxtun. Ef ætlunin er að fjárfesta til skamms tíma er æskilegt að taka minni áhættu og velja sjóð með litlum gengissveiflum, til að mynda í Stefni - Lausafjársjóði. Þegar fjárfest er til langs tíma aukast sveiflur í ávöxtun en á móti er meiri möguleiki á hærri ávöxtun. Munurinn á milli sjóða sem fjárfesta til skamms eða langs tíma felst í gengissveiflum eigna í sjóðnum. Eignir til skamms tíma, t.d. nokkurra mánaða, hafa litlar gengissveiflur en eignir til nokkurra ára geta sveiflast töluvert mikið. Mikilvægt er þó að að hafa í huga að hærri ávöxtun er almennt talin hafa í för með sér meiri áhættu. Skynsamlegt er að leita sér ráðgjafar sérfræðinga áður en fjárfest er í sjóðum en söluaðilar sjóða Stefnis veita upplýsingar um sjóðina. |
| Hvað gerist ef rekstrarfélag sjóðanna verður gjaldþrota? |
Stefnir lýtur margþættu eftirliti af hálfu innri og ytri eftirlitsaðila. Félagið er hlutafélag lögum samkvæmt og birtir ársreikning sem er aðgengilegur á heimasíðu þess. Það er mikilvægt að gera sér ljósan þann aðskilnað sem er á milli Stefnis og þeirra sjóða sem hann rekur. Stefnir rekur fjölda sjóða og í því felst að stýring og umsýsla eigna sjóðanna er í höndum starfsfólks Stefnis en eign hlutdeildarskírteinishafa er ávallt ávísun á hlutfallslega |