Sjálf­bærni

Næstu skref sem þú tekur í sparnaði geta haft áhrif á framtíðina. Stefnir býður upp á sjóði með samfélagslega ábyrgð að leiðarljósi.

Ákvarðanir sem teknar eru í dag munu hafa mikil áhrif á framþróun samfélagsins til næstu ára og því mikilvægt að þær séu teknar með sjálfbærni að leiðarljósi.

Stefnir gefur út ófjárhagslegar upplýsingar í sjálfbærniskýrslu sinni og vill með því hvetja aðra til að gera hið sama og stuðla að gagnsærri upplýsingagjöf varðandi þá mikilvægu þætti sem umhverfi, félagslegir þættir og stjórnarhættir eru í starfsemi félagsins.

Stjórn Stefnis hefur tileinkað sér góða stjórnarhætti og hefur einsett sér að stuðla að og styðja við ábyrga hegðun og fyrirtækjamenningu innan Stefnis til hagsbóta fyrir alla hagsmunaaðila félagsins.

Stefnir vill veita eigendum í sjóðum gagnlegar, tímanlegar og réttar upplýsingar um með hvaða hætti sjóðir í rekstri félagsins hafa innleitt aðferðafræði ábyrgra fjárfestinga í starfsemi sína.