Stjórn

Formaður stjórnar Stefnis er Jón Óttar Birgisson fæddur 1974.

Jón Óttar hefur yfir 20 ára reynslu af fjármálamörkuðum og fyrirtækjarekstri. Jón Óttar starfar sem framkvæmdastjóri Stöplar Advisory ehf., sem sérhæfir sig í fyrirtækjaráðgjöf m.t.t. endurskipulagningar, samruna og fjármögnunar. Áður starfaði hann sem forstöðumaður fyrirtækjaráðgjafar hjá MP banka og þar áður sem framkvæmdastjóri fyrirtækjaráðgjafar hjá Saga Capital. Jón Óttar átti sæti í stjórn Stefnis á tímabilinu 2020 - 2022. Þá gegndi hann tímabundið stöðu forstöðumanns sérhæfðra fjárfestinga hjá Stefni, frá desember 2022 og fram á haust 2023.

Jón Óttar er framkvæmdastjóri og stjórnarmaður eftirfarandi félaga: Kasi Consulting ehf., Stöplar Advisory ehf. og Kveldúlfsgata fjárfestingar ehf. Þá er Jón stjórnarmaður í Síðumúla 27 ehf., Nova hf., Nova Klúbbsins ehf., JVB Investments ehf. og EVE Harpa ehf.

Jón Óttar er hagfræðingur frá Háskóla Íslands og hefur lokið prófi í verðbréfaviðskiptum.

Kristín María Dýrfjörð situr í stjórn Stefnis og er fædd 1982.

Kristín María er í dag einn eiganda Te og Kaffi ehf. og jafnframt stjórnarformaður, en hún hefur starfað hjá Te og Kaffi ehf. síðan 2009, m.a. sem markaðsstjóri þess. Hún er einnig stjórnarformaður Kaffibrennslu Hafnarfjarðar ehf.

Kristín María er viðskiptafræðingur frá Háskólanum í Reykjavík.

Kristín María eða tengdir aðilar eiga enga eignahluti eða kauprétti í félaginu og engin hagsmunatengsl eru við helstu viðskiptaaðila, samkeppnisaðila eða hluthafa Stefnis.

Hrefna Ösp Sigfinnsdóttir, situr í stjórn Stefnis og er fædd 1969.

Hrefna er framkvæmdastjóri Creditinfo á Íslandi og situr í framkvæmdastjórn Creditinfo Group. Hrefna hefur fjölbreytta reynslu af fjármálamarkaði. Hrefna var framkvæmdastjóri Markaða hjá Landsbankanum á árunum 2010-2021. Áður starfaði hún sem sjóðsstjóri framtaksfjárfestinga hjá Arev verðbréfafyrirtæki, hún var forstöðumaður skráningarsviðs hjá Kauphöllinni og starfaði sem forstöðumaður einstaklingsþjónustu hjá verðbréfafyrirtækinu Fjárvangi. Hrefna situr í stjórn lyfjafyrirtækisins Choripharma og stjórn Viðskiptaráðs. Þá hefur hún fjölbreytta stjórnarreynslu svo sem sem stjórnarmaður í Framtakssjóði Íslands og Umbreytingu II framtakssjóði í stýringu hjá Alfa. Hrefna var einn af stofnaðilum IcelandSIF.

Hrefna er viðskiptafræðingur frá Háskóla Íslands og lauk löggildingarprófi í verðbréfum 2011. Hrefna lauk AMP námi frá IESE í Barcelona árið 2021.

Hrefna eða tengdir aðilar eiga enga eignarhluti eða kauprétti í félaginu og engin hagsmunatengsl eru við helstu viðskiptaaðila, samkeppnisaðila eða hluthafa Stefnis.

Framkvæmdastjóri Stefnis er Jón Finnbogason fæddur 1973.

Jón hefur fjölbreytta reynslu af fjármálamarkaði eða allt frá árinu 1999 og hefur hann gengt stjórnunarstörfum innan fjármálafyrirtækja allt frá árinu 2009. Síðast starfaði Jón sem forstöðumaður fyrirtækjahluta á fyrirtækja- og fjárfestingabankasviði Arion banka hf. og einnig sem útlánastjóri (e. Chief Credit Officer) bankans.

Stór hluti af starfsreynslu Jóns er frá hans fyrri störfum hjá Stefni hf. en hann starfaði hjá félaginu fyrst á árunum 2003 til 2008 og aftur frá 2013 til 2017, þá sem forstöðumaður skuldabréfateymis Stefnis. Þá starfaði Jón hjá Byr sparisjóði frá árunum 2009 til 2011 fyrst sem yfirlögfræðingur og svo sem sparisjóðsstjóri og forstjóri Byrs hf.. Á árunum 2011 til 2013 starfaði Jón sem aðstoðarframkvæmdastjóri viðskiptabankasviðs Íslandsbanka hf.

Jón hefur verið virkur í stjórnar- og sjálfboðaliðastörfum allt frá árinu 1996 og þar til hann hóf störf sem framkvæmdastjóri Stefnis 2022. Ber þá helst að nefna, stjórn Fimleikasambands Íslands 1996 – 2000, stjórn Íþróttafélagsins Gerplu 2003 - 2013 og þar af sem formaður stjórnar frá 2006 - 2013. Stjórn Íþrótta og ólympíusambands Íslands (ÍSÍ) í varastjórn á árunum 2015 - 2017 og í framkvæmdastjórn ÍSÍ á árunum 2017 - 2019. Varabæjarfulltrú í bæjarstjórn Kópavogs 2014 – 2022 og bæjarfulltrúi 2022.

Jón lauk lögfræðiprófi frá Háskóla Íslands árið 1998. Hann er einnig lögmaður með málflutningsréttindi fyrir héraðsdómi. Árið 2002 lauk hann prófi í verðbréfaviðskiptum.