Rótgróið fyrirtæki sem stýrir fjármunum í eigu viðskiptavina með hagsmuni þeirra að leiðarljósi.
Stefnir hefur á síðustu árum stigið mikilvæg skref í því að vera leiðandi í ábyrgum fjárfestingum. Við erum aðilar að meginreglum Sameinuðu þjóðanna um ábyrgar fjárfestingar (UN PRI) og stofnaðili Iceland SIF, vettvangs til að efla þekkingu og auka umræður um ábyrgar fjárfestingar.
Það er mikilvægt að þeim skuldbindingum sem við höfum tekist á hendur sé fylgt eftir með markvissum hætti og með því að nýta fjármagn sem drifkraft er hægt að viðhalda sjálfbærri þróun og á sama tíma að efla samkeppnishæfni þjóða og framtíð komandi kynslóða.
Við stýringu sjóða er mikilvægt að upplýsa eigendur sjóða með hvaða hætti við erum að innleiða aðferðafræði ábyrgra fjárfestinga í alla starfsemi Stefnis.
Í stefnu félagins um ábyrgar fjárfestingar kemur fram hvernig við munum líta til umhverfismála, félagslegra þátta og góðra stjórnarhátta við fjárfestingu í fyrirtækjum og öðrum útgefendum.
Hér á eftir kemur stutt lýsing á helstu þáttum sem snúa að aðferðafræði Stefnis við val á fjárfestingum.
UFS ráð vinnur samkvæmt starfsreglum, veitir stuðning við samval fjárfestinga og fullvissu um að unnið sé samkvæmt þeim viðmiðum um ábyrgar fjárfestingar sem sett eru í starfsemi Stefnis. Starfsmenn Stefnis sem eiga sæti í UFS ráði eru kyndilberar innleiðingar aðferðafræði ábyrgra fjárfestinga í alla starfsemi Stefnis.
Stjórnar- og starfsmönnum Stefnis býðst að taka námskeið hjá PRI Academy í aðferðafræði ábyrgra fjárfestinga. PRI Academy er helsti fræðsluvettvangur fyrir þá sem vilja öðlast skilning á því hvernig umhverfismál, félagslegir þættir og góðir stjórnarhættir hafa áhrif á frammistöðu fyrirtækja og auka virði allra haghafa.
Stefnir samþættir UFS málefni í fjárfestingarferli sjóða í stýringu félagsins þar sem því verður við komið. Sérstaklega er skimað fyrir félögum sem samræmast ekki þeim siðferðilegum takmörkunum sem ákveðnar hafa verið og beitt er þematískri aðferðafræði í sjóðum þar sem það á við.
Við mat á sérhæfðum fjárfestingarkostum er notast við áreiðanleikakannanir til að greina og draga fram þau atriði í rekstri og fjárhag félaga sem skipta mestu máli. Sérstaklega er hugað stöðu UFS þátta í þessu sambandi og tekur umfang UFS athugunar sem framkvæmd er mið af eðli þess fjárfestingarkosts sem er til skoðunar hverju sinni.
Stefnir fylgir reglum um meðferð umboðsatkvæða og beitir Stefnir hluthafaréttindum í samræmi við mat á hagsmunum sjóðanna, m.a. við atkvæðagreiðslu á hluthafafundum. Með virku eignarhaldi beitum við okkur fyrir jákvæðum breytingum með hag umhverfis, félagslegra málefna og stjórnarhátta í fyrirrúmi til skemmri og lengri tíma.
Viðauki I við stefnu um ábyrgar fjárfestingar samþykkt af UFS ráði Stefnis 21.01.2025. Viðeigandi skjöl verð uppfærð vegna endurskoðunar á þessum viðauka.
Starfsemi | Skýring | Neikvæð skimun | Jákvæð skimun | Fremst meðal jafningja |
|---|---|---|---|---|
Áfengisframleiðendur | Fyrirtæki sem hafa tekjur af framleiðslu á áfengum drykkjum auk smásölu- og dreifingaraðilum og birgjum. | X | ||
Cannabis | Framleiðsla og dreifing cannabis efna í öðru en læknisfræðilegum tilgangi. | X | ||
Framleiðsla á feldi | Fyrirtæki sem hafa tekjur af framleiðslu á feldi, eða annarra framandi afurða sem unnar eru úr dýraskinni. | X | ||
Dýratilraunir | Fyrirtæki sem gera prófanir á dýrum sem ekki í samræmi við löggjöf Evrópusambandsins fyrir aðra starfsemi en lyfjastarfsemi. Þetta á t.d. við aukefni í matvælum. | X | ||
Dýratilraunir vegna þróunar á sviði heilbrigðisvísinda | Fyrirtæki sem gera prófanir á dýrum fyrir lyf, lækningatæki eða líftækni. | X | ||
Fjárhættuspil | Fyrirtæki sem hafa tekjur af fjárhættuspilum. Það eru fyrirtæki sem bjóða upp á fjárhættuspil þ.m.t. rekstur spilavíta og fjárhættuspil á netinu. | X | ||
Námuvinnsla | Námur sem ekki eru starfræktar í samræmi við lög um mat á umhverfisáhrifum og brjóta á mannréttindum. | X | ||
Kjarnorkuframleiðsla | Fyrirtæki sem hafa tekjur af framleiðslu kjarnorku. Skimunin nær ekki yfir dreifingu kjarnorku eða þjónustu sem styður við kjarnorkuiðnaðinn. | X | ||
Kola- og olíusandavinnsla | Fyrirtæki sem stunda kola- eða olíusandavinnslu. | X | ||
Olíuframleiðsla | Fyrirtæki sem hafa tekjur af olíuframleiðslu. | X | ||
Klámframleiðsla | Fyrirtæki sem hafa tekjur af framleiðslu kláms. | X | ||
Okurlánastarfsemi | Fyrirtæki sem hafa okurlánastarfsemi að meginstarfsemi. | X | ||
Starfsemi sem brýtur á grundvallarmannréttindum s.s. þrælkun | Stefnir styðst við Mannréttindayfirlýsingu Sameinuðu þjóðanna um grundvallarmannréttindi, sjá hér. | X | ||
Tóbaksframleiðendur | Fyrirtæki sem hafa tekjur af framleiðslu tóbaksvörum þ.m.t. sígarettum, vindlum, tóbaki og neftóbaki. | X | ||
Umdeilanleg vopnaframleiðsla | Jarðsprengjur, klasasprengjur, efnavopn, sýklavopn og gerðeyðingarvopn. | X |
Neikvæð skimun: Ekki er heimilt að fjárfesta í starfsemi eða atvinnugrein.
Jákvæð skimun: Horft er til þeirra félaga sem eru að ýta undir jákvæða þróun í atvinnugreininni og standa betur en aðrir samanburðaraðilar samkvæmt matsaðilum og samkvæmt innri matsferlum Stefnis.
Fremst meðal jafningja: Það félag eða útgefandi valið sem meðal samanburðaraðila stendur sig best samkvæmt matsaðilum og samkvæmt innri matsferlum Stefnis.
Heimilt er að fjárfesta í ETF sjóðum þar sem tekjur af þeim atvinnugreinum sem falla undir neikvæða skimum er undir 1% af heildartekjum undirliggjandi félaga í sjóðnum