Kol­við­ur og Stefn­ir gróð­ur­setja 5.000 tré

Stefnir hefur frá árinu 2020 í samstarfi við Kolvið bundið kolefnislosun sem til kemur vegna rekstrar félagsins. Við stofnun sjóðsins Stefnis – Grænavals var ákveðið að gróðursetja 10 tré fyrir hvern aðila sem fjárfestir í sjóðnum frá stofnun hans 2021 til loka árs 2022.

Nú höfum við náð þeim merka áfanga að nálgast gróðursetningu 5.000 trjáa og við það tilefni hittust Reynir Kristinsson stjórnarformaður Kolviðar og Dýri Kristjánsson sjóðstjóri Stefnis – Grænavals og tóku fyrstu skref í því að binda kolefni á móti losun sem nemur um 500 tonnum af útblæstri kolefnis sem er álíka og 250 fólksbílar losa á ári.

Markmið Kolviðar er aukin binding kolefnis í skógarvistkerfum í þeim tilgangi að draga úr styrk koldíoxíðs (CO2) í andrúmslofti, að binda jarðveg og draga úr jarðvegseyðingu, að auka vitund almennings og fyrirtækja um losun gróðurhúsalofttegunda, og að stuðla að fræðslu um tengd málefni.