Stefnir og Fjármálak­ast­ið í sam­starf

Stefnir verður aðalstyrktaraðili Fjármálakastsins sem er hlaðvarp fyrir áhugafólk um fjármál, hagfræði og efnahagsmál. Þættirnir koma út einu sinni í viku inn á allar helstu hlaðvarpsveitur og inn á podcast.is.

Markmið samstarfsins er að stuðla að vandaðri umfjöllun um fjármál og efnahagsmál. Litlar sem engar breytingar verða gerðar á efnistökum hlaðvarpsins frá því sem nú er og mun Fjármálakastið halda áfram að fá fólk víða að í atvinnulífinu til að ræða um ýmislegt tengt fjármálum.

Gestir þáttarins koma úr ýmsum áttum en meðal þeirra hafa verið frumkvöðlar, greinendur, fyrirtækjaeigendur, viðskiptablaðamenn og fleiri.

Jón Finnbogason, framkvæmdastjóri Stefnis:

„Sífellt fleiri einstaklingar sækja sér um þessar mundir fróðleik með því að hlusta á hlaðvörp. Stefnir vill styðja við vandaða umfjöllun um fjármál og efnahagsmál og er Fjármálakastið sem hefur boðið upp á afar áhugaverð og fróðleg viðtöl við fólk víðsvegar úr atvinnulífinu góður vettvangur til þess.“